பாலியல் குற்றச்சாட்டு வழக்‍கில் கைது செய்யப்பட்டு புழல் சிறையில் அடைக்‍கப்பட்டிருந்த சிவசங்கர் பாபா திடீர் உடல்நலக்‍குறைவு காரணமாக அரசு ஸ்டான்லி மருத்துவமனையின் தீவிர சிகிச்சைப் பிரிவில் அனுமதிக்‍கப்பட்டுள்ளார்.

சென்னையை அடுத்த கேளம்பாக்கத்தில் சுஷில் ஹரி இன்டர்நேஷனல் பள்ளியை நடத்தி வந்த சிவசங்கர் பாபா மீது அந்த பள்ளியின் முன்னாள் மாணவிகள் பாலியல் புகார் அளித்தனர். புகாரின் அடிப்படையில் சிவசங்கர் பாபா போக்சோ சட்டத்தின் கீழ் கைது செய்யப்பட்டு புழல் சிறையில் அடைக்கப்பட்டிருந்தார். இந்நிலையில் திடீரென சிறைச்சாலையில் அவருக்கு நெஞ்சு வலி ஏற்பட்டதால், அரசு ராஜீவ்காந்தி பொது மருத்துவமனையில் அனுமதிக்கபட்டு இதயம் தொடர்பான சிகிச்சைகள் முழுவதும் அளிக்கப்பட்டு வந்தது. தொடர்ந்து அவரின் உடல் நலனில் எவ்வித முன்னேற்றமும் காணப்படாததால் உடனடியாக அங்கிருந்து சென்னை அரசு ஸ்டான்லி பொது மருத்துவமனையில் தீவிர சிகிச்சைப் பிரிவில் அனுமதிக்கப்பட்டுள்ளார். அவருக்‍கு தொடர்ந்து சிகிச்சைகள் அளிக்கப்பட்டு வருவதாக மருத்துவர்கள் தெரிவித்தனர்.