தமிழகம் முழுவதும் நாளை நடைபெறுவதாக இருந்த கிராம சபைக் கூட்டம் கொரோனா காரணமாக ரத்து செய்யப்படுவதாக தமிழக அரசு அறிவித்துள்ளது.

தமிழக அரசு சார்பில் ஒவ்வொரு ஆண்டும் ஜனவரி 26, மே 1, ஆகஸ்ட் 15 மற்றும் அக்டோபர் 2 ஆம் தேதி ஆகிய நாட்களில் தமிழகம் முழுவதும் கிராமசபை கூட்டங்கள் நடத்தப்படுவது வழக்கம். கொரனா பரவல் காரணமாக கடந்த ஆண்டு அக்டோபர் 2 ஆம் தேதி நடைபெற இருந்த கிராமசபை கூட்டங்களை தமிழக அரசு ஏற்கனவே ரத்து செய்திருந்தது. இந்நிலையில், நாளை நடைபெற இருந்த கிராம சபை கூட்டங்களும் கொரோனா தொற்று காரணமாக ரத்து செய்யப்படுவதாக தமிழக அரசு அறிவித்துள்ளது. தமிழக அரசின் இந்த முடிவுக்கு மார்க்சிஸ்ட் கம்யூனிஸ்ட் கட்சி கடும் கண்டனம் தெரிவித்துள்ளது. தமிழக சட்டமன்றத் தேர்தல் நடைபெற உள்ள சூழ்நிலையில், கிராம சபைக்கூட்டம் நடத்துவது ஆளும்கட்சி விமர்சனத்திற்கு உள்ளாகும் என்பதாலேயே கிராம சபைக்கூட்டம் ரத்து செய்யப்பட்டுள்ளதாக அக்கட்சியின் தமிழக செயலாளர் கே.பாலகிருஷ்ணன் தெரிவித்துள்ளார்.