கடலூர் மாவட்டம் சிதம்பரம் அருகே மணல் கடத்தலை தடுக்கச் சென்ற காவலருக்கு கொலை மிரட்டல் விடுத்த புகாரில் ஒருவர் கைது
Oct 20 2020 5:05PM
எழுத்தின் அளவு:
அ +
அ -
அ
கடலூர் மாவட்டம் சிதம்பரம் அருகே, மணல் கடத்தலை தடுக்கச்சென்ற காவலருக்கு கொலை மிரட்டல் விடுத்த புகாரில், ஒருவர் கைது செய்யப்பட்டார். வெள்ளாற்றில், மணல் கடத்திச் சென்ற டிராக்டரை நிறுத்தி சோதனை செய்த காவலர் செல்வகுமாரை, டிராக்டரில் இருந்தவர்கள் ஆபாசமாக திட்டி, பணி செய்ய விடாமல் தடுத்து, அவரின் இருசக்கர வாகனத்தையும் சேதப்படுத்தி, கொலை மிரட்டல் விடுத்ததாக கூறப்படுகிறது. இதையடுத்து, டிராக்டரை பறிமுதல் செய்த போலீசார், காவலர் செல்வகுமார் அளித்த புகாரின்பேரில், புகழேந்தி, சபாநாயகன், விமல்ராஜ் மற்றும் குள்ளன் ஆகிய 4 பேர் மீது வழக்குப்பதிவு செய்தனர். இதில், சபாநாயகன் என்பவரை கைது செய்த போலீசார், மணல் கடத்தல் தொடர்பாக விசாரணை நடத்தி வருகின்றனர்.