சாத்தான்குளம் காவல்நிலையத்தை வருவாய்த்துறை கட்டுப்பாட்டில் இருந்து விலக்கிக் கொள்ளலாம் - தமிழக அரசுக்கு சென்னை உயர்நீதிமன்ற மதுரைக்கிளை அனுமதி
Jul 3 2020 3:27PM
எழுத்தின் அளவு:
அ +
அ -
அ
சாத்தான்குளம் காவல்நிலையத்தை வருவாய்த்துறையினரின் கட்டுப்பாட்டில் இருந்து விடுவிக்க தமிழக அரசுக்கு சென்னை உயர்நீதிமன்ற மதுரைக்கிளை அனுமதி வழங்கியுள்ளது.
சாத்தான்குளத்தில் ஜெயராஜ், பென்னிக்ஸ் கொலை வழக்கு தொடர்பாக சாத்தான்குளம் காவல்நிலையத்தில் தடயங்களை அழிக்க முயற்சி நடைபெற்றதால், நீதிமன்ற உத்தரவின்பேரில் வருவாய்த்துறை கட்டுப்பாட்டுக்கு கொண்டு வரப்பட்டது. இந்நிலையில், இதுதொடர்பாக வழக்கு விசாரணை சென்னை உயர்நீதிமன்ற மதுரைக்கிளையில் இன்று நடைபெற்றது. அப்போது, வருவாய்த்துறை கட்டுப்பாட்டில் உள்ள சாத்தான்குளம் காவல்நிலையத்தை விடுவிக்க தமிழக அரசு சார்பில் கோரிக்கை வைக்கப்பட்டது. இதனை ஏற்ற நீதிபதிகள் பி.என்.பிரகாஷ், புகழேந்தி ஆகியோர் கொண்ட அமர்வு, சாத்தான்குளம் காவல்நிலையத்தை வருவாய்த்துறை கட்டுப்பாட்டில் விடுவிக்க அனுமதி வழங்கியது. இதையடுத்து, சாத்தான்குளம் காவல்நிலையம் மீண்டும் காவல்துறை கட்டுப்பாட்டில் கொண்டு வரப்பட்டுள்ளது.