தமிழக பாரதிய ஜனதா கட்சியின் முன்னாள் தலைவர் கே.என்.லட்சுமணன் காலமானார் - வயது மூப்பு காரணமாக சேலத்தில் உயிரிழப்பு
Jun 2 2020 11:15AM
எழுத்தின் அளவு:
அ +
அ -
அ
தமிழக பாரதிய ஜனதா கட்சியின் முன்னாள் தலைவர் திரு. கே.என்.லட்சுமணன் உடல் நலக்குறைவால் காலமானார். அவருக்கு வயது 92.
தமிழக பாரதிய ஜனதா கட்சியின் முன்னாள் தலைவர் திரு. கே.என். லட்சுமணன், சேலம் மாவட்டம் செவ்வாய்ப்பேட்டையில் வசித்து வந்தார். முதுமை மற்றும் உடல்நலக் குறைவு காரணமாக, அவர் சிகிச்சை பெற்று வந்தார். இந்நிலையில், நேற்றிரவு உடல் நலக்குறைவால் திரு. கே.என்.லட்சுமணன் காலமானார். தமிழக பாரதிய ஜனதா கட்சிக்கு இரண்டு முறை தலைவராக இருந்த திரு. கே.என்.லட்சுமணன், ஒருமுறை மயிலாப்பூர் தொகுதி சட்டப்பேரவை உறுப்பினராகவும் பதவி வகித்திருக்கிறார். இவரது இறுதிச்சடங்கு இன்று நடைபெற உள்ளது. திரு. கே.என்.லட்சுமணன் மறைவுக்கு தெலங்கானா மாநில ஆளுநர் திருமதி தமிழிசை சவுந்தரராஜன் உள்ளிட்டோர் இரங்கல் தெரிவித்துள்ளார்.