தூத்துக்குடியில் வெளிமாநிலத் தொழிலாளர்கள் சாலை மறியல் : சொந்த ஊர்களுக்கு அனுப்பி வைக்கக் கோரிக்கை
Jun 1 2020 6:10PM
எழுத்தின் அளவு:
அ +
அ -
அ
தூத்துக்குடியில் சொந்த ஊர்களுக்கு அனுப்பி வைக்கக்கோரி பிறமாநில தொழிலாளர்கள் 150க்கும் மேற்பட்டோர் சாலை மறியல் போராட்டத்தில் ஈடுபட்டனர். தூத்துக்குடி துறைமுகம் அருகே தனியார் அனல் மின் நிலையத்தின் கட்டுமானப் பணிகள் நடைபெற்று வருகின்றன. ஊரடங்கு காரணமாக இங்கு வேலை செய்துவரும் பிறமாநில தொழிலாளர்கள், தங்கள் சொந்த ஊர்களுக்கு செல்லமுடியாமல் தவித்து வருகின்றனர். மேற்குவங்கத்தைச் தொழிலாளர்கள் தங்களை சொந்த ஊர்களுக்கு அனுப்பி வைக்கக்கோரி துறைமுக சாலையில் திடீரென மறியல் போராட்டத்தில் ஈடுபட்டனர். உரிய நடவடிக்கை எடுப்பதாக காவல்துறையினர் உறுதியளித்தையடுத்து அவர்கள் கலைந்து சென்றனர்.