தமிழக அரசு போக்குவரத்துக் கழகப் பணியாளர்களுக்கு ஊதியக் குறைப்பா? - டிடிவி தினகரன் கண்டனம்
May 31 2020 3:02PM
எழுத்தின் அளவு:
அ +
அ -
அ
தமிழக அரசு போக்குவரத்துக் கழகப் பணியாளர்களுக்கு ஊதியக் குறைப்பு செய்யப்போவதாக கூறப்படுவதற்கு, அம்மா மக்கள் முன்னேற்றக் கழகப் பொதுச் செயலாளர் திரு. டிடிவி தினகரன் கண்டனம் தெரிவித்துள்ளார்.
அம்மா மக்கள் முன்னேற்றக் கழகப் பொதுச் செயலாளர் திரு. டிடிவி தினகரன் இன்று வெளியிட்டுள்ள ட்விட்டர் பதிவில், தமிழக அரசுப் போக்குவரத்துக் கழகப் பணியாளர்களுக்கு ஊதியக் குறைப்பு செய்யப்போவதாக கூறப்படுவது கண்டனத்திற்குரியது என தெரிவித்துள்ளார். இதனைக் கண்டித்து தமிழகத்தின் பல்வேறு பணிமனைகளில் போக்குவரத்து கழக தொழிலாளர்கள் உள்ளிருப்பு போராட்டத்தில் ஈடுபட்டிருப்பதாக செய்திகள் வருவதாகவும் குறிப்பிட்டுள்ளார்.
இதனால் பேருந்து போக்குவரத்தை மீண்டும் தொடங்குவதில் சிக்கல் ஏற்படும் - எனவே, ஊழியர்களுக்கு முழுமையான ஊதியத்தை வழங்கிட தமிழக அரசு உடனடியாக நடவடிக்கை எடுக்க வேண்டும் என திரு. டிடிவி தினகரன் வலியுறுத்தியுள்ளார்.