T.N.P.S.C. முறைகேடு தொடர்பான வழக்கு விசாரணையை சி.பி.ஐ.க்கு மாற்றக் கோரிய வழக்கில், தமிழக தலைமை செயலர், சி.பி.ஐ. மற்றும் TNPSC தலைவர் பதில் மனு தாக்கல் செய்ய சென்னை உயர்நீதிமன்ற மதுரைக்கிளை உத்தரவிட்டுள்ளது.

T.N.P.S.C. குரூப்-4 மற்றும் குரூப் 2-ஏ தேர்வில் நடைபெற்ற மோசடி தொடர்பான வழக்கை, சி.பி.சி.ஐ.டி. போலீசார் விசாரித்து வருகின்றனர். இவ்வழக்கில், இதுவரை கீழ்மட்ட அலுவலர்கள் மட்டுமே கைது செய்யப்பட்டு இருப்பதாகவும், TNPSC-யின் அனைத்து நிலைகளிலும் நடைபெற்ற முறைகேடுகள் தொடர்பான வழக்கு விசாரணைகளை சி.பி.ஐ.க்கு மாற்றி உத்தரவிட வேண்டும் எனவும் கோரி சென்னை உயர்நீதிமன்ற மதுரைக்கிளையில் பொதுநல மனு தாக்கல் செய்யப்பட்டது. இந்த வழக்குகளை விசாரித்த நீதிபதிகள் திரு. துரைசுவாமி, திரு. ரவீந்திரன் ஆகியோர் அடங்கிய அமர்வு, இது குறித்து தமிழக தலைமை செயலர், சி.பி.ஐ. TNPSC-யின் தலைவர் ஆகியோர் பதில்மனு தாக்கல் செய்ய உத்தரவிட்டு வழக்கை அடுத்த மாதம் 20-ம் தேதிக்கு ஒத்திவைத்தனர்.