குடியுரிமை திருத்த சட்டத்திற்கு எதிராக, தலைமைச் செயலக முற்றுகை போராட்டத்திற்கு தடை விதிக்கக்கோரி தாக்‍கல் செய்யப்பட்ட மனுவை, அவசர வழக்‍காக விசாரிக்‍க சென்னை உயர்நீதிமன்றம் மறுத்துவிட்டது.

குடியுரிமை திருத்த சட்டத்திற்கு எதிர்ப்பு தெரிவித்து, நாளை, பேரணியாக சென்று தலைமைச் செயலகத்தை முற்றுகையிடப் போவதாக போராட்டக்‍காரர்கள் தெரிவித்துள்ளனர். இதற்கு தடை விதிக்கக்கோரி, இந்திய மக்கள் மன்ற தலைவர் திரு. வாராகி தரப்பில், சென்னை உயர்நீதிமன்றத்தில் மனு தாக்‍கல் செய்யப்பட்டது. பேரணியின்போது சட்டம் ஒழுங்கு பிரச்னை ஏற்பட வாய்ப்பு இருப்பதால், போராட்டத்திற்கு தடை விதிக்‍க வேண்டும் என மனுவில் குறிப்பிடப்பட்டுள்ளது. இதனை அவசர வழக்‍காக‍ விசாரிக்‍க வேண்டும் என, நீதிபதிகள் திரு. சத்யநாராயணன் மற்றும் திருமதி. ஹேமலதா அமர்வில் கோரிக்‍கை வைக்‍கப்பட்டது. கோரிக்‍கையை நிராகரித்த நீதிபதிகள், வழக்‍கு பட்டியலில் வரும்போது விசாரணைக்‍கு எடுத்துக்‍கொள்ளப்படும் என தெரிவித்தனர். பேரணியின்போது, சட்டம் ஒழுங்கு பிரச்னை ஏற்பட்டால், அதனை காவல்துறை கண்காணித்துக்‍கொள்ளும் என்றும் நீதிபதிகள் கூறினர்.