மு.க.ஸ்டாலினுக்கு எதிராக மு.க.அழகிரி ஆதரவாளர்கள் ஒட்டிய போஸ்டரால் திமுக வட்டாரத்தில் பரபரப்பு
Jan 27 2020 8:23PM
எழுத்தின் அளவு:
அ +
அ -
அ
மு.க.ஸ்டாலினுக்கு எதிராக, மு.க.அழகிரி ஆதரவாளர்கள் ஒட்டிய போஸ்டரால், திமுக வட்டாரத்தில் பரபரப்பு நிலவி வருகிறது.
திமுகவில் இருந்து மு.க.அழகிரி நீக்கப்பட்ட நிலையில், அவ்வப்போது சுவரொட்டிகள் வாயிலாக, அவரது ஆதரவாளர்கள் தங்களது கருத்துக்களை வெளிப்படுத்தி வருகின்றனர். வரும் 30-ம் தேதி அவர், தனது 69-வது பிறந்தநாளை கொண்டாடவுள்ளார். இந்தநிலையில், மு.க.அழகிரியின் ஆதரவாளர்கள், மதுரை மாநகர் முழுவதும் ஒட்டிய சுவரொட்டிகள், திமுக வட்டாரத்தில் சர்ச்சையை ஏற்படுத்தியுள்ளது. மு.க.அழகிரி மீண்டும் திமுகவில் நுழைவார் என்றும், ஸ்டாலினை மறைமுகமாக சீண்டும் வகையிலும், இந்த சுவரொட்டியில் வாசகங்கள் இடம்பெற்றுள்ளன. இந்த போஸ்டர்கள் திமுக வட்டாரத்தில், பரபரப்பை ஏற்படுத்தியுள்ளது.