அவதூறு வழக்கை திரும்பப் பெறக்கோரி நெல்லை கண்ணன் மனு : வழக்கை 2 வாரங்களுக்கு ஒத்திவைத்து உயர்நீதிமன்றம் உத்தரவு
Jan 20 2020 9:06PM
எழுத்தின் அளவு:
அ +
அ -
அ
தன் மீது தொடரப்பட்ட அவதூறு வழக்கை திரும்பப் பெறக்கோரி, நெல்லை கண்ணன் தொடர்ந்த வழக்கை, உயர்நீதிமன்ற மதுரைக்கிளை 2 வாரங்களுக்கு ஒத்திவைத்தது.
நெல்லையில், எஸ்.டி.பி.ஐ., கட்சி சார்பில், கடந்த மாதம் நடைபெற்ற மாநாட்டில் பேசிய இலக்கியப் பேச்சாளர் நெல்லை கண்ணன், பிரதமர் திரு. நரேந்திர மோதி, உள்துறை அமைச்சர் திரு. அமித் ஷா ஆகியோர் குறித்து அவதூறாகப் பேசியதாகத் வழக்கு தொடரப்பட்டது. இந்த வழக்கில் கைது செய்யப்பட்ட அவருக்கு, அண்மையில் ஜாமின் வழங்கப்பட்டது.
இந்நிலையில், தன் மீது தொடரப்பட்ட அவதூறு வழக்கை திரும்பப் பெறக்கோரி, சென்னை உயர்நீதிமன்ற மதுரைக் கிளையில், நெல்லை கண்ணன் சார்பில் மனு தாக்கல் செய்யப்பட்டது. இதை விசாரித்த உயர்நீதிமன்ற நீதிபதி ஜெகதீஷ் சந்திரா, எதிர் தரப்பினர் கால அவகாசம் கேட்டதால், வழக்கை 2 வாரங்களுக்கு ஒத்திவைத்து உத்தரவிட்டார்.