ஈமு கோழி வளர்ப்பு திட்டத்தின் சுமார் ஆறரை கோடி ரூபாய் மோசடி செய்ததாக முதலீட்டாளர்கள் தெரிவித்த புகாரில், திண்டுக்கல் மாவட்டத்தைச் சேர்ந்த ராஜபாண்டி என்பவரை போலீசார் கைது செய்துள்ளனர்.

திண்டுக்கல் சொசைட்டி தெருவில் வசித்து வந்த ராஜபாண்டி என்பவர், ஈமு கோழி வளர்ப்பு நிறுவனத்தை தொடங்கினார். இத்திட்டத்தின் கீழ் ஒரு லட்சம் முதல் 3 லட்சம் ரூபாய் வரை முதலீடு செய்பவர்களுக்கு ஈமு கோழிகளையும், மாதம்தோறும் 8 ஆயிரம் ரூபாய் ஊக்கத்தொகையும் வழங்குவதாக ராஜபாண்டி விளம்பரம் செய்ததை நம்பி, ஏராளமானோர் அவரிடம் பணம் செலுத்தியுள்ளனர். ஆனால், அறிவித்தபடி ராஜபாண்டி கொடுக்காததால் முதலீுட்டாளர்கள் ஏமாற்றமடைந்தனர். இதுகுறித்து நாமக்கல்லைச் சேர்ந்த ஈஸ்வரன் என்பவர் அளித்த புகாரின் அடிப்படையில், மதுரை பொருளாதார குற்ற நடைமுறை பிரிவினர் ராஜபாண்டி மீது வழக்கு பதிவு செய்து அவரை கைது செய்து சிறையில் அடைத்தனர். ராஜபாண்டியிடம் 300க்கும் மேற்பட்டவர்கள் 6 கோடியே 33 லட்சத்து 44 ஆயிரத்து 500 ரூபாய் வரை முதலீடு செய்ததாக புகார் தெரிவிக்கப்பட்டுள்ளது.

இதனிடையே, நாகை மாவட்டத்தில் ரமேஷ் என்ற கூலித்தொழிலாளி முன்விரோதம் காரணமாக கொலைசெய்யப்பட்டார். இதுதொடர்பாக பிரபு என்பவரை போலீசார் கைது செய்து அவரிடம் விசாரணை நடத்தி வருகின்றனர்.