ஈரோடு மாவட்டம் சத்தியமங்கலம் மற்றும் அதனையொட்டிய மலைக் கிராமங்களில் பீன்ஸ் அமோகமாக விளைச்சல்
Jul 22 2014 3:20PM
எழுத்தின் அளவு:
அ +
அ -
அ
வேளாண் துறையினர் மானிய விலையில் விதைகள் வழங்கியதன் பயனாக, ஈரோடு மாவட்டம் சத்தியமங்கலம் மற்றும் அதனையொட்டிய மலைக் கிராமங்களில் பீன்ஸ் அமோகமாக விளைச்சல் கண்டுள்ளது.
முதலமைச்சர் செல்வி ஜெயலலிதா உத்தரவுப்படி, வேளாண் துறையினர், மலைப் பகுதிகளில் உள்ள விவசாயிகளின் வாழ்வு வளம் பெற, குறுகிய கால தோட்டப் பயிர்களை பயிரிடுவதற்கான ஆலோசனைகளை வழங்கி வருகின்றனர். இதற்காக மானிய விலையில் விதைகள் வழங்கப்பட்டு வருகின்றன. அதன்படி, ஈரோடு மாவட்டம் சத்தியமங்கலம் மற்றும் தலமலை சுற்றுவட்டாரப் பகுதியில் உள்ள மலைக் கிராமங்களில் சுமார் 300 ஏக்கரில் 3 மாத பயிரான குட்டை பீன்ஸ் பயிரிடப்பட்டுள்ளது. 35-வது நாளிலிருந்து பலன் கொடுக்கும் இந்த பீன்ஸ் செடியில், தொடர்ந்து 60 நாட்கள் வரை வாரம் இருமுறை பீன்ஸ் பறிக்கப்படுகிறது. வாரத்திற்கு சுமார் 400 முதல் 700 கிலோ வரை மகசூல் கிடைப்பதன் மூலம், விவசாயிகள் கணிசமான வருவாய் ஈட்டுகின்றனர்.