தஞ்சாவூர் மற்றும் திண்டுக்கல் மாநகராட்சிப் பகுதிகளில் 125 கோடியே 28 லட்சம் ரூபாய் மதிப்பீட்டில், குடிநீர், சாலைகள் சீரமைப்பு, பாதாள சாக்கடைப் பணிகள், பூங்கா மேம்பாடு, நடைபாதைகள், தெருவிளக்குகள், நீர்நிலைகள் மேம்பாடு, மழைநீர் சேகரிப்பு கட்டமைப்புகள், ஒளிரும் வழிகாட்டிப் பலகைகள், பேருந்து நிலைய மேம்பாடு உள்ளிட்ட பல்வேறு பணிகளை மேற்கொள்ள உத்தரவிட்டுள்ள முதலமைச்சர் செல்வி. ஜெயலலிதாவுக்கு இவ்விரு மாநகராட்சிகளின் பொதுமக்கள் நெஞ்சார்ந்த நன்றியும்-பாராட்டும் தெரிவித்துள்ளனர்.

தஞ்சாவூர் மாநகராட்சி மக்கள் நலனுக்காக, 82 கோடியே 43 லட்சம் ரூபாய் மதிப்பீட்டில் பல்வேறு அடிப்படை வசதிகளை மேம்படுத்த முதலமைச்சர் செல்வி ஜெயலலிதா உத்தரவிட்டுள்ளதை வரவேற்று அப்பகுதி மக்கள் பட்டாசுகள் வெடித்தும், இனிப்புகள் வழங்கியும் கொண்டாடினர்.

திண்டுக்கல் மாநகராட்சிப் பகுதிகளில் 42 கோடியே 85 லட்சம் ரூபாய் மதிப்பீட்டில், பல்வேறு அடிப்படை வசதிகள் மேம்படுத்தப்படும் என்ற, முதலமைச்சர் செல்வி ஜெயலலிதாவின் அறிவிப்பை வரவேற்று, பல்வேறு தரப்பினரும், பட்டாசுகள் வெடித்தும், இனிப்புகள் வழங்கியும் கொண்டாடியதோடு, முதலமைச்சருக்கு தங்களது நெஞ்சார்ந்த நன்றியைத் தெரிவித்துள்ளனர்.