10, 11, 12ம் வகுப்பு பொதுத்தேர்வுக்கான அட்டவணை வெளியீடு - மார்ச் 2ம் தேதி 12ம் வகுப்பு தேர்வுகளும், மார்ச் 17ல் 10ம் வகுப்பு தேர்வுகளும் தொடங்கும்
Jul 19 2019 4:11PM
எழுத்தின் அளவு:
அ +
அ -
அ
தமிழகத்தில் அடுத்த ஆண்டு நடைபெறவுள்ள பொதுத்தேர்வுக்கான கால அட்டவணை வெளியிடப்பட்டுள்ளது.
அரசுத்தேர்வுகள் இயக்ககம் இன்று வெளியிட்டுள்ள செய்திக்குறிப்பில், பிளஸ்2 பொதுத்தேர்வு மார்ச் மாதம் 2ம் தேதி தொடங்கி மார்ச் 24ம் தேதிவரை நடைபெறும் என அறிவிக்கப்பட்டுள்ளது. பிளஸ் 2 தேர்வு முடிவு ஏப்ரல் 24-ம் தேதி வெளியிடப்படும் என தெரிவிக்கப்பட்டுள்ளது.
பிளஸ் 1 பொதுத்தேர்வு மார்ச் மாதம் 4-ம் தேதி தொடங்கி, மார்ச் 26-ம் தேதி வரை நடைபெறும் என்றும், தேர்வு முடிவு மே 14ம் தேதி வெளியிடப்படும் என்றும் குறிப்பிடப்பட்டுள்ளது.
இதேபோல், 10ம் வகுப்பு பொதுத்தேர்வு மார்ச் 17-ம் தேதி தொடங்கி, ஏப்ரல் 9ம் தேதி வரை நடைபெறும் என்றும், தேர்வு முடிவு மே 4ம் தேதி வெளியிடப்படும் என்றும் அரசுத் தேர்வுகள் இயக்ககம் தெரிவித்துள்ளது.