ஆடை திரைப்படத்திற்கு எதிர்ப்பு தெரிவித்து சென்னையில் திரையரங்கம் முன்பாக ஆர்ப்பாட்டம் நடத்தியவர்கள் கைது - படத்திற்கு தடைகோரி காவல்துறையிடம் புகார் மனு
Jul 19 2019 2:36PM
எழுத்தின் அளவு:
அ +
அ -
அ
நடிகை அமலாபாலின் ஆடை திரைப்படத்தை தடை செய்யக்கோரி சென்னையில் உள்ள சத்யம் திரையரங்கம் முன்பாக ஆர்ப்பாட்டம் நடைபெற்றது. இந்த போராட்டத்தில் ஈடுபட்ட அனைவரும் கைது செய்யப்பட்டனர்.
அமலாபாலின் நடிப்பில் உருவாகியிருக்கும் ஆடை திரைப்படம், கலாச்சாரத்தை சீரழிக்கும் நோக்கில் எடுக்கப்பட்டிருப்பதாக பல்வேறு தரப்பிலும் புகார்கள் எழுந்துள்ளன. இப்படம் திரையிடப்படும் சென்னை சத்யம் திரையரங்கம் முன்பு இந்து பறையர் முன்னேற்றக் கழகத்தினர் இன்று போராட்டம் நடத்தினர். திரைப்படத்தின் கதாநாயகி அமலாபாலையும், இயக்குநர் ரத்தினகுமாரையும் கைது செய்யக்கோரி அவர்கள் கோஷம் எழுப்பினர். இப்படத்திற்கு தடை விதிக்க வேண்டும் எனவும் அவர்கள் வலியுறுத்தினர்.
ஆடை திரைப்படத்திற்கு எதிராக தமிழக காவல்துறையிடம் புகார் மனு அளிக்கப்பட்டிருப்பதாக போராட்டக்காரர்கள் தெரிவித்துள்ளனர்.