பங்களாதேஷுக்கு எதிரான முதல் டெஸ்ட் கிரிக்கெட் போட்டி - ஒரு இன்னிங்ஸ் மற்றும் 130 ரன்கள் வித்தியாசத்தில் இந்தியா அபார வெற்றி
Nov 16 2019 4:59PM
எழுத்தின் அளவு:
அ +
அ -
அ
இந்தூரில் நடைபெற்ற பங்களாதேஷுக்கு எதிரான முதல் டெஸ்ட் கிரிக்கெட் போட்டியில், இந்தியா ஒரு இன்னிங்ஸ் மற்றும் 130 ரன்கள் வித்தியாசத்தில் அபார வெற்றி பெற்றது.
இந்தியா - பங்களாதேஷ் இடையிலான முதலாவது டெஸ்ட் கிரிக்கெட் போட்டி, இந்தூரில் நேற்று முன்தினம் தொடங்கி நடைபெற்று வந்தது.
டாஸ் வென்று, பேட்டிங்கைத் தேர்வு செய்த பங்களாதேஷ் அணி 150 ரன்களுக்கு முதல் இன்னிங்ஸை இழந்தது. இதைத்தொடர்ந்து களமிறங்கிய இந்திய அணி, 6 விக்கெட் இழப்புக்கு 493 ரன்கள் எடுத்தபோது டிக்ளேர் செய்தது.
பின்னர் 2-வது இன்னிங்ஸை தொடர்ந்த பங்களாதேஷ் அணி, 213 ரன்களுக்கு அனைத்து விக்கெட்டுகளையும் இழந்தது. இதன்மூலம் இந்திய அணி, ஒரு இன்னிங்ஸ் மற்றும் 130 ரன்கள் வித்தியாசத்தில் வெற்றி பெற்றது. இந்திய அணி தரப்பில் முகமது ஷமி 4 விக்கெட்டுகளையும், அஷ்வின் 3 விக்கெட்டுகளையும் கைப்பற்றினர்.