ஒலிம்பிக் தகுதி சுற்று ஹாக்கி போட்டியின் முதல் ஆட்டம் : 5-1 என்ற கோல் கணக்கில் அமெரிக்காவை பந்தாடிய இந்தியா
Nov 2 2019 1:03PM
எழுத்தின் அளவு:
அ +
அ -
அ
ஒடிசா மாநிலம் புவனேசுவரில் நடைபெற்ற ஒலிம்பிக் தகுதி சுற்று ஹாக்கி போட்டியின் முதல் ஆட்டத்தில், இந்திய பெண்கள் அணி 5-1 என்ற கோல் கணக்கில் அமெரிக்காவை வென்றது.
2020-ம் ஆண்டில் டோக்கியோவில் நடைபெறும் ஒலிம்பிக் ஹாக்கி போட்டிக்கான இரண்டு தகுதி சுற்று ஆட்டங்கள் ஒடிசா மாநிலம் புவனேசுவரத்தில் உள்ள கலிங்கா ஸ்டேடியத்தில் நடந்தன. இதில் பெண்கள் பிரிவில் நடந்த முதல் ஆட்டத்தில் இந்தியா-அமெரிக்கா அணிகள் பலப்பரீட்சை நடத்தின. முதல் கால்பகுதி ஆட்டத்தில் இரு அணிகளும் தாக்குதல் பாணியை கையாண்டாலும் கோல் எதுவும் அடிக்க முடியவில்லை. 2-வது கால்பகுதியின் கடைசி கட்டத்தில் இந்திய அணி முதல் கோல் அடித்தது. போட்டியின் 51-வது நிமிடத்தில் இந்திய வீராங்கனை குர்ஜித் கவுர் பெனால்டி ஸ்டிரோக் வாய்ப்பை பயன்படுத்தி மீண்டும் இரண்டாவது கோல் அடித்தார். இதனால் இந்திய அணி 5-0 என்ற கோல் கணக்கில் வலுவான முன்னிலை கண்டது. முடிவில் இந்திய அணி 5-1 என்ற கோல் கணக்கில் அமெரிக்காவை வென்றது.