தென்னாப்பிரிக்காவுக்கு எதிரான உலகக்கோப்பை கிரிக்கெட் போட்டி - 4 விக்கெட் வித்தியாசத்தில் நியூசிலாந்து அணி வெற்றி
Jun 20 2019 5:08PM
எழுத்தின் அளவு:
அ +
அ -
அ
உலகக்கோப்பை கிரிக்கெட்டில், தென்னாப்பிரிக்காவுக்கு எதிரான லீக் ஆட்டத்தில் 4 விக்கெட் வித்தியாசத்தில் நியூசிலாந்து அணி வெற்றி பெற்றது.
பிர்மிங்ஹாமில் நேற்று நடைபெற்ற 25-வது லீக் ஆட்டத்தில் நியூசிலாந்து-தென்ஆப்பிரிக்க அணிகள் மோதின. டாஸ் வென்ற நியூசிலாந்து அணி கேப்டன் கேன் வில்லியம்சன் பந்துவீச்சை தேர்வு செய்தார். மழை காரணமாக ஆட்டம் 49 ஓவர்களாக குறைக்கப்பட்டது. இதனையடுத்து களமிறங்கிய தென் ஆப்பிரிக்க அணி 49 ஓவர்கள் முடிவில் 6 விக்கெட்டுகளை இழந்து 241 ரன்கள் எடுத்தது. தென்னாப்பிரிக்க அணி தரப்பில் அதிகபட்சமாக van der Dussen 67 ரன்களும், Amla 55 ரன்களும் எடுத்தனர்.
242 ரன்கள் எடுத்தால் வெற்றி என்ற இலக்குடன் களமிறங்கிய நியூசிலாந்து அணி, 48 புள்ளி 3 ஓவர்களில், 6 விக்கெட்டுகளை இழந்து 245 ரன்கள் எடுத்து வெற்றி பெற்றது. இதன்மூலம் இப்போட்டியில் 4 விக்கெட்டுகள் வித்தியாசத்தில் நியூசிலாந்து அணி வெற்றிபெற்றது.