ஆஸ்திரேலியாவில் நடைபெற்று வரும் காமன்வெல்த் விளையாட்டுப் போட்டி - பேட்மிண்டனில் மலேசியாவை தோற்கடித்து தங்கம் வென்றது இந்தியா
Apr 10 2018 12:31PM
எழுத்தின் அளவு:
அ +
அ -
அ
ஆஸ்திரேலியாவில் நடைபெற்று வரும் காமன்வெல்த் விளையாட்டுப் போட்டியின் பேட்மிண்டன் பிரிவில் இந்தியா மலேசியாவை தோற்கடித்து தங்கப்பதக்கம் வென்றது.
ஆஸ்திரேலியாவின் கோல்ட் கோஸ்ட் நகரில் காமன்வெல்த் விளையாட்டுப் போட்டி நடைபெற்று வருகிறது. போட்டியின் 5-ம் நாளான நேற்று அணிகளுக்கான பேட்மிண்டன் போட்டியின் இறுதி ஆட்டம் நடைபெற்றது. இதில் பலம் வாய்ந்த மலேசியாவை இந்தியா சந்தித்தது. இந்தப் போட்டியின் முதல் 3 ஆட்டங்களில் இந்தியா இரண்டில் வெற்றிபெற்று முன்னிலையில் இருந்தது. இதன் தொடர்ச்சியாக நடைபெற்ற ஒற்றையர் ஆட்டத்தில் இந்தியாவின் நட்சத்திர வீராங்கனையான சாய்னா நேவால் மலேசிய வீரங்கனை சோனியா ஷீயை சந்தித்தார். விறுவிறுப்பான இந்த ஆட்டத்தில் 21-11, 19-21, 21-9 என்ற செட்களில் சோனியாவை தோற்கடித்தார். இதன்மூலம் இந்தப் போட்டியில் இந்தியா 3-1 என்ற கணக்கில் மலேசியாவை தோற்கடித்து தங்கப்பதக்கம் வென்றது. இது இந்தியாவுக்கு 10-வது தங்கமாக அமைந்தது.