ஆஸ்திரேலிய ஓபன் டென்னிஸ் - 2-வது சுற்று ஆட்டத்தில் ரோஜர் ஃபெடரர், வாவ்ரிங்கா, கெர்பர், வீனஸ் வில்லியம்ஸ் வெற்றி பெற்று, அடுத்த சுற்றுக்கு முன்னேற்றம்
Jan 18 2017 5:32PM
எழுத்தின் அளவு:
அ +
அ -
அ
ஆஸ்திரேலிய ஓபன் டென்னிஸ் ஆடவர் மற்றும் மகளிர் ஒற்றையர் பிரிவு 2-ம் சுற்று ஆட்டங்களில், முன்னணி வீரர்-வீராங்கனைகளான ரோஜர் ஃபெடரர், வாவ்ரிங்கா, கெர்பர், வீனஸ் வில்லியம்ஸ் ஆகியோர் வெற்றி பெற்று, அடுத்த சுற்றுக்கு முன்னேறினர்.
ஆஸ்திரேலிய ஓபன் டென்னிஸ் போட்டிகள் மெல்பர்னில் நடைபெற்று வருகின்றன. ஆடவர் ஒற்றையர் 2-ம் சுற்று ஆட்டத்தில் சுவிட்சர்லாந்தின் ரோஜர் ஃபெடரர், அமெரிக்காவின் ரூபினை எதிர்கொண்டார். 7-5, 6-3, 7-6 என்ற நேர் செட் கணக்கில் ஃபெடரர் வெற்றி பெற்று அடுத்த சுற்றுக்கு முன்னேறினார்.
மற்றொரு ஆட்டத்தில், சுவிட்சர்லாந்தின் வாவ்ரிங்காவுடன், அமெரிக்காவின் ஸ்டீவ் ஜான்சன் மோதினார். இதில், 6-3, 6-4, 6-4 என்ற நேர் செட் கணக்கில் வாவ்ரிங்கா வெற்றி பெற்றார்.
மகளிர் ஒற்றையர் 2-ம் சுற்றில் ஜெர்மனியின் நட்சத்திர வீராங்கனை Angelique Kerber, சகநாட்டு வீராங்கனை Carina-வை 6-2, 7-6, 6-2 என்ற செட் கணக்கில் வெற்றி பெற்றார். இந்த வெற்றியை தனக்கு கிடைத்த பிறந்தநாள் பரிசாக அவர் கொண்டாடினார்.
அமெரிக்காவின் வீனஸ் வில்லியம்ஸ், சுவிட்சர்லாந்தின் Stefanie, மற்றொரு ஆட்டத்தில் மோதினர். இதில், 6-3, 6-2 என்ற செட் கணக்கில் வீனஸ் வெற்றி பெற்றார்.