காலில் காயமடைந்துள்ள இங்கிலாந்து அணியின் முன்னணி வேகப்பந்து வீரர் Stuart Broad, இந்தியாவுடான 4-வது டெஸ்ட் கிரிக்கெட் போட்டியிலும் பங்கேற்பது சந்தேகம் என தகவல்கள் தெரிவிக்கின்றன.

இந்தியாவில் சுற்றுப்பயணம் மேற்கொண்டுள்ள இங்கிலாந்து கிரிக்கெட் அணி, இந்தியாவுடன் தற்போது 5 போட்டிகள் கொண்ட டெஸ்ட் தொடரில் விளையாடி வருகிறது. இத்தொடரில், விசாகப்பட்டினத்தில் நடைபெற்ற 2-வது டெஸ்ட் போட்டியின்போது, இங்கிலாந்து அணியின் முன்னணி வேகப்பந்து வீரர் Stuart Broad காயம் அடைந்தார். கணுக்காலில் ஏற்பட்ட காயத்தால், அவர், மொகாலியில் நடைபெற்ற 3-வது டெஸ்டில் பங்கேற்கவில்லை. இந்த நிலையில், இவ்விரு அணிகளுக்கு இடையே, வரும் 8-ம் தேதி மும்பையில் தொடங்கவுள்ள 4-வது டெஸ்ட் போட்டியிலும், காயமடைந்துள்ள Stuart Broad முழுமையாக பங்கேற்பதில் சந்தேகம் ஏற்பட்டுள்ளது. இதுதொடர்பாக பேசிய இங்கிலாந்து அணியின் பயிற்சியாளர் பெய்லிஸ், 4-வது டெஸ்ட் போட்டி தொடங்குவதற்குள் Broad, 100 சதவீதம் உடல் தகுதி பெறுவார் என உறுதியாகக் கூற முடியாது என்றும், பயிற்சியின் போது, அவரது செயல்பாட்டை பார்த்தபிறகுதான் கூறமுடியும் எனவும் தெரிவித்துள்ளார்.