இந்தியன் சூப்பர் லீக் கால்பந்துப் போட்டியின் இன்றைய ஆட்டத்தில், Kerala Blaster FC அணியும், FC Goa அணியும் விளையாடவுள்ளன.
Nov 29 2015 10:22AM
எழுத்தின் அளவு:
அ +
அ -
அ
இந்தியன் சூப்பர் லீக் கால்பந்துப் போட்டி, தற்போது விறுவிறுப்பான கட்டத்தை எட்டியுள்ளது. அஸ்ஸாம் மாநிலம் கவுஹாத்தியில் நேற்று நடைபெற்ற 49-வது லீக் ஆட்டத்தில், Delhi Dynamos FC அணியை Northeast United அணி எதிர்கொண்டது. விறுவிறுப்பாக நடைபெற்ற இந்தப் போட்டியின் முதல் பாதி ஆட்டத்தில் இரு அணிகளும் தலா ஒரு கோல் அடித்து சமநிலையில் இருந்தன. மறுபாதி ஆட்டத்தின் 88-வது நிமிடத்தில், டெல்லி அணி வீரர் Gustavo Dos Santos அற்புதமாக கோல் அடித்து தனது அணியை முன்னிலைப்படுத்தினர். ஆட்டநேரம் முடியும் வரை, கவுஹாத்தி அணியால் மேலும் கோல் அடிக்க முடியாமல் போனதால், 2-1 என்ற கோல் கணக்கில் டெல்லி அணி வெற்றி பெற்றது. இந்த வெற்றியின் மூலம் அந்த அணி அரையிறுதி வாய்ப்பை உறுதிசெய்தது.
கேரள மாநிலம் கொச்சியில் இன்று நடைபெறும் 50-வது லீக் ஆட்டத்தில், Kerala Blaster FC அணியும், FC Goa அணியும் பலப்பரீட்சை நடத்துகின்றன. இந்தியன் சூப்பர் லீக் கால்பந்து போட்டிகள் அனைத்தும், ஜெயா மேக்ஸ் தொலைக்காட்சியில் தமிழ் வர்ணனையுடன் நேரடி ஒளிபரப்பு செய்யப்படுகின்றன.