விம்பிள்டன் டென்னிஸ் போட்டியின் ஆடவர் ஒற்றையர் பிரிவு 2ம் சுற்றில் ரஃபெல் நடால் அதிர்ச்சி தோல்வி
Jul 3 2015 6:50AM
எழுத்தின் அளவு:
அ +
அ -
அ
விம்பிள்டன் டென்னிஸ் போட்டியின் ஆடவர் ஒற்றையர் பிரிவு 2ம் சுற்றில் ரஃபெல் நடால் அதிர்ச்சி தோல்வியடைந்துள்ளார்.
இங்கிலாந்து தலைநகர் லண்டன் அருகே நடைபெற்று வரும் இப்போட்டியில் உலகின் முன்னணி வீரர்-வீராங்கனைகள் பங்கேற்றுள்ளனர். நேற்று இரவு நடைபெற்ற ஒற்றையர் பிரிவு 2ம் சுற்று ஆட்டம் ஒன்றில், விம்பிள்டன் பட்டத்தை 7 முறை வென்றவரான ஸ்விட்சர்லாந்தின் ரோஜர் ஃபெடரர், அமெரிக்காவின் Sam querrey-யை சந்தித்தார். இதில் மிகச்சிறப்பாக விளையாடிய ஃபெடரர் 6-4, 6-2, 6-2 என்ற நேர்செட்களில் வெற்றிபெற்று 3ம் சுற்றுக்கு முன்னேறினார்.
ஆடவர் ஒற்றையர் பிரிவில் நடைபெற்ற மற்றொரு 2ம் சுற்று ஆட்டத்தில் ஸ்பெயினின் ரஃபெல் நடால், ஜெர்மனியின் Dustin Brown-உடன் மோதினார். இதில் அபார ஆட்டத்தை வெளிப்படுத்திய Brown, 7-5, 3-6, 6-4, 6-4 என்ற செட்களில் வெற்றிபெற்று நடாலுக்கு அதிர்ச்சியளித்தார்.