ஆஸ்திரேலிய ஓபன் டென்னிஸ் - ஜோகோவிச் சாம்பியன்
Jan 30 2023 10:31AM
எழுத்தின் அளவு:
அ +
அ -
அ
ஆஸ்திரேலிய ஓபன் டென்னிஸ் தொடரில் செர்பிய வீரர் ஜோகோவிச் சாம்பியன் பட்டத்தை தட்டிச் சென்றார். 22 கிராண்ட்ஸ்லாம் பட்டங்கள் பெற்று ரஃபேல் நடாலின் சாதனையை சமன் செய்தார். ஆண்டின் முதலாவது 'கிராண்ட்ஸ்லாம்' போட்டியான ஆஸ்திரேலிய ஓபன் டென்னிஸ் தொடர் மெல்போர்னில் நடைபெற்றது. இன்று நடைபெற்ற ஆண்கள் ஒற்றையர் இறுதிப்போட்டியில் செர்பியாவின் நோவக் ஜோகோவிச்சும், கிரிஸீன் சிட்சிபாஸ்-ம் களம் கண்டனர். விறுவிறுப்பான இந்த ஆட்டத்தில் ஆதிக்கம் செலுத்தி ஜோகோவிச் சிறப்பாக விளையாடினார். இதனால் 6-3, 7-6, 7-6 என்ற நேர் செட் கணக்கில் சிட்சிபாஸை வீழ்த்தி ஜோகோவிச் சாம்பியன் பட்டம் வென்றார். இது ஜோகோவிச் வென்ற 22வது கிராண்ட்ஸ்லாம் பட்டம் ஆகும். இதன் காரணமாக ஸ்பெயின் வீரர் ரபெல் நடாலின் 22 கிராண்ட்ஸ்லாம் சாதனையை ஜோகோவிச் சமன் செய்து அசத்தினார்.