உலகக்கோப்பை ஹாக்கி இறுதிப்போட்டி : பெல்ஜியம் - ஜெர்மனி அணிகள் இன்று மோதல்
Jan 29 2023 2:55PM
எழுத்தின் அளவு:
அ +
அ -
அ
ஒடிஷா மாநிலம் புவனேஸ்வரில் நடைபெற்று வரும் உலக்கோப்பை ஹாக்கி போட்டியின் இறுதி ஆட்டத்தில் இன்று நடப்பு சாம்பியன் பெல்ஜியமும் முன்னாள் சாம்பியன் ஜெர்மனியும் மோதுகின்றன. இன்று இரவு 7 மணிக்கு இந்தப் போட்டி நடைபெறவுள்ளது. இதில் பெல்ஜியம் வெற்றி பெற்றால் தொடர்ந்து இரண்டாவது முறையாக உலகக்கோப்பையை தக்க வைக்கும் நான்காவது அணி என்ற சிறப்பை பெறும். அதேநேரம் ஜெர்மனியும் கோப்பையை கைப்பற்ற தனது முழு திறனையும் வெளிப்படுத்தும் என எதிர்பார்க்கப்படுகிறது. இரு அணிகளும் சமபலம் வாய்ந்தவை என்பதால் இந்த போட்டியை காண ரசிகர்கள் ஆவலோடு எதிர்பார்த்து காத்திருக்கின்றனர். இந்த போட்டிக்கு முன்னதாக 3வது இடம் யாருக்கு என்று தீர்மானிக்கும் போட்டியில் அரையிறுதியில் தோல்வி அடைந்த நெதர்லாந்தும், ஆஸ்திரேலியாவும் மோதுகின்றன. மாலை 4.30 மணிக்கு இந்த போட்டி தொடங்குகிறது.