பாரா பேட்மிண்டன் போட்டியில் 3 தங்க பதக்கங்களை வென்ற மதுரை மாணவி ஜெர்லின் அனிகாவுக்கு உற்சாக வரவேற்பு
May 18 2022 6:00PM
எழுத்தின் அளவு:
அ +
அ -
அ
மதுரை அவனியாபுரம் பகுதியை சேர்ந்த ஜெயரட்சகன் என்பவரின் மகள் ஜெர்லின் அனிகா மதுரை மாநகராட்சி அவ்வை பெண்கள் மேல்நிலைப் பள்ளியில் 12ம் வகுப்பு படித்து வருகிறார். மாற்றுத்திறனாளியான இவர், பிரேசிலில் நடைபெற்ற பாராபேட்மிண்டன் போட்டியில் பங்கேற்றார். இவர் பேட்மிண்டன் போட்டியில் ஒற்றையர் பிரிவில் ஆஸ்திரி வீராங்கனையை வீழ்த்தி தங்கப் பதக்கத்தை தட்டிச்சென்றார். மேலும் கலப்பு இரட்டையர் பிரிவு, குழு பேட்மிண்டன் போட்டியிலும் தங்கம் வென்று அசத்தியுள்ளார். தங்கக் குவியல்களுடன் மதுரை ரயில் நிலையத்திற்கு வந்த ஜெர்லினுக்கு அவரது பள்ளி தோழிகள், ஆசிரியர்கள், விளையாட்டு வீரர்கள் உற்சாக வரவேற்பு அளித்தனர்.