இலங்கையில் இருந்து தனுஷ்கோடிக்கு 13 மணி நேரம் தொடர் நீச்சல் : 13 வயது மாற்றுத்திறனாளி சிறுமி சாதனை
Mar 21 2022 8:42AM
எழுத்தின் அளவு:
அ +
அ -
அ
மும்பை கடற்படை அதிகாரியின் 13 வயது மாற்றுத்திறனாளி மகள், இலங்கையில் இருந்து தனுஷ்கோடிக்கு கடலில் 13 மணி நேரத்தில் நீந்தி சாதனை படைத்துள்ளார்.
மும்பை கடற்படை அதிகாரி மதன் ராய் என்பவரின் மகள் ஜியாராய், ஆட்டிசம் ஸ்பெக்ட்ரம் பாதிப்புக்குள்ளானவர். மும்பை கடற்படை பள்ளியில் படிக்கிறார். இவர், 2021 பிப்ரவரியில் மும்பை கடலில் 36 கிலோ மீட்டர் தூரம் நீந்தி சாதனை படைத்தார். இவரது சாதனையை 'மன் கீ பாத்' நிகழ்ச்சியில் பிரதமர் திரு. மோடி பாராட்டினார். இந்நிலையில், முதன்முதலாக இலங்கை தலைமன்னார் முதல் தனுஷ்கோடி அரிச்சல்முனை வரை 29 கிலோ மீட்டர் துாரத்தை, 13 மணி நேரத்தில் நீந்தி ஜியா ராய் அசத்தியுள்ளார். தனுஷ்கோடி அரிச்சல்முனை கடற்கரை வந்தடைந்த அவரை, டிஜிபி திரு. சைலேந்திர பாபு தலைமையில் ஏராளமானோர் உற்சாகமாக வரவேற்பு அளித்தனர். நீச்சலில் சாதனை படைத்த சிறுமி ஜியாராய்க்கு, நினைவு பரிசு வழங்கி, திரு. சைலேந்திர பாபு பாராட்டு தெரிவித்தார்.