அபுதாபியில் நடைபெற்ற ஐ.பி.எல். கிரிக்கெட் லீக் போட்டி : பெங்களூரு அணியை 9 விக்கெட் வித்தியாசத்தில் வென்றது கொல்கத்தா அணி
Sep 21 2021 7:18AM
எழுத்தின் அளவு:
அ +
அ -
அ
ஐ.பி.எல். கிரிக்கெட் போட்டியின் பெங்களூரு அணிக்கு எதிரான ஆட்டத்தில் 9 விக்கெட்டுகள் வித்தியாசத்தில் கொல்கத்தா நைட் ரைடர்ஸ் அணி அபார வெற்றி பெற்றது.
அபுதாபியில் நடைபெற்ற ஐ.பி.எல். கிரிக்கெட் போட்டியின் 31-வது லீக் ஆட்டத்தில், கொல்கத்தா நைட் ரைடர்ஸ்- ராயல் சேலஞ்சர்ஸ் பெங்களூர் அணிகள் மோதின. டாஸ் வென்று பேட்டிங் தேர்வு செய்த பெங்களூர் அணி, 92 ரன்களுக்கு ஆட்டமிழந்தது.
பின்னர் 93 ரன்கள் அடித்தால் வெற்றி என்ற இலக்குடன் கொல்கத்தா நைட் ரைடர்ஸ் களம் இறங்கியது. கொல்கத்தா நைட் ரைடர்ஸ் அணியின் தொடக்க வீரர்களான ஷுப்மான் கில், வெங்கடேஷ் அய்யர் ஆகியோர், அதிரடி ஆட்டத்தை வெளிப்படுத்தினர். இந்த இணை, முதல் விக்கெட்டுக்கு 82 ரன்களை குவித்தது. 10 ஓவர் முடிவில், 1 விக்கெட் இழப்பிற்கு 94 ரன்கள் எடுத்து 9 விக்கெட் வித்தியாசத்தில் கொல்கத்தா நைட் ரைடர்ஸ் அபார வெற்றி பெற்றது.