அமெரிக்க ஓபன் டென்னிஸ் போட்டியில், அமெரிக்‍காவின் Serena Williams மற்றும் ஜப்பானின் Naomi Osaka ஆகியோர் அரையிறுதிக்‍கு முன்னேறியுள்ளனர்.

'கிராண்ட்ஸ்லாம்' அந்தஸ்து பெற்ற அமெரிக்க ஓபன் டென்னிஸ் போட்டி நியூயார்க் நகரில் நடைபெற்றது. இதில் உலகின் முன்னணி வீரர் - வீராங்கனைகள் பங்கேற்று விளையாடி வருகின்றனர். தற்போது இந்தப் போட்டி விறுவிறுப்பான கட்டத்தை எட்டியுள்ளது. இதன் மகளிர் ஒற்றையர்​ பிரிவு காலிறுதி ஆட்டம் ஒன்றில், தரவரிசையில் 3-ம் இடத்தில் உள்ள அமெரிக்‍காவின் Serena Williams, பெல்ஜியத்தின் Tsvetana Pironkova-வை எதிர்கொண்டார். விறுவிறுப்பாக நடைபெற்ற இந்த போட்டியில், முதல் செட்டை 4-க்‍கு 6 என இழந்த செரினா, பின்னர் சுதாரித்துக்‍கொண்டு அதிரடியாக விளையாடி, அடுத்த இரு செட்களை தனதாக்‍கினார். இதன்மூலம் 4-6, 6-3, 6-2 என்ற செட்கணக்‍கில் வெற்றிபெற்று, Serena Williams அரையிறுதிக்‍கு முன்னேறினார்.

ஆடவருக்‍கான காலிறுதி ஆட்டம் ஒன்றில், தரவரிசையில் 3-ம் இடத்தில் உள்ள ரஷ்ய வீரர் Daniil Medvedev, சகநாட்டு வீரர் Andrey Rublev-வை எதிர்கொண்டார். பரபரப்பாக நடைபெற்ற இந்த போட்டியில், 7-6, 6-3, 7-6 என்ற செட்கணக்‍கில் வெற்றிபெற்று, Medvedev அரையிறுதிக்‍கு முன்னேறினார்.

மகளிர் ஒற்றையர் பிரிவு காலிறுதி ஆட்டம் ஒன்றில், தரவரிசையில் 4-ம் இடத்தில் உள்ள ஜப்பான் வீராங்கனை Naomi Osaka, அமெரிக்‍காவின் Shelby Rogers-ஐ எதிர்கொண்டார். விறுவிறுப்பாக நடைபெற்ற இந்தப் போட்டியில், தனது அனுபவ ஆட்டத்தை வெளிப்படுத்திய Osaka, 6-3, 6-4 என்ற நேர் செட்களில் எளிதாக வென்று, அரையிறுதிக்‍கு முன்னேறினார்.