வெஸ்ட் இண்டீசுக்கு எதிரான 2-வது டெஸ்ட் கிரிக்கெட் போட்டி : இங்கிலாந்து அணி அபார வெற்றி
Jul 21 2020 5:31PM
எழுத்தின் அளவு:
அ +
அ -
அ
வெஸ்ட் இண்டீசுக்கு எதிரான 2-வது டெஸ்ட் கிரிக்கெட் போட்டியில் இங்கிலாந்து அணி அபார வெற்றி பெற்றது.
இங்கிலாந்து - வெஸ்ட்இண்டீஸ் அணிகள் இடையிலான 2-வது டெஸ்ட் கிரிக்கெட் போட்டி மான்செஸ்டரில் நடந்தது. இதில் முதலில் பேட் செய்த இங்கிலாந்து அணி, முதல் இன்னிங்சில் 9 விக்கெட் இழப்புக்கு 469 ரன்கள் குவித்து 'டிக்ளேர்' செய்தது. 3-வது நாள் ஆட்டம் மழையால் முழுமையாக பாதிக்கப்பட்ட நிலையில், முதல் இன்னிங்சை தொடர்ந்து ஆடிய வெஸ்ட்இண்டீஸ் அணி, 4-வது நாளில் 287 ரன்களில் 'ஆல்அவுட்' ஆனது. பின்னர் 182 ரன்கள் முன்னிலையுடன் 2-வது இன்னிங்சை ஆடிய இங்கிலாந்து அணி, அன்றைய ஆட்ட நேர முடிவில் 2 விக்கெட் இழப்புக்கு 37 ரன்கள் எடுத்து இருந்தது. கடைசி நாளில், 2-வது இன்னிங்சை தொடர்ந்த இங்கிலாந்து, 3 விக்கெட் இழப்புக்கு 129 ரன்கள் எடுத்து 'டிக்ளேர்' செய்தது. இதனை அடுத்து 312 ரன்கள் எடுத்தால் வெற்றி என்ற இலக்குடன் 2-வது இன்னிங்சை தொடங்கிய வெஸ்ட்இண்டீஸ் அணி, 198 ரன்களில் 'ஆல்-அவுட்' ஆனது. இதனால் இங்கிலாந்து அணி 113 ரன்கள் வித்தியாசத்தில் அபார வெற்றி பெற்றது. இரு அணிகளும் தலா ஒரு போட்டியில் வெற்றி பெற்றுள்ள நிலையில், தொடரின் கடைசி டெஸ்ட் போட்டி, வரும் 24-ம் தேதி மான்செஸ்டரில் தொடங்குகிறது.