அமெரிக்காவில், கொரோனா வைரஸ் தாக்கம் அதிகமாக இருப்பதால், நியூயார்க்கில் உள்ள அமெரிக்க ஓபன் டென்னிஸ் வளாகம், தற்காலிக மருத்துவமனையாக மாற்றப்பட உள்ளதாக, தகவல் வெளியாகி இருக்கிறது.

அமெரிக்காவில், கொரோனாவால் பாதிக்கப்படுவோர் எண்ணிக்கை நாளுக்குநாள் அதிகரித்து வருவதால், மருத்துவமனைகளில் இடம் இல்லாமல், பலர் தவித்து வருகின்றனர். நிலைமை கட்டுக்கடங்காமல் சென்று கொண்டிருப்பதால், உலகின் பல இடங்களில் நிறுத்திவைக்கப்பட்டுள்ள கப்பல்களை வரவழைத்து, தற்காலிக மருத்துவமனையாக மாற்ற, அமெரிக்கா திட்டமிட்டுள்ளது. பூங்கா உள்ளிட்ட பொது இடங்களிலும் அவசர மருத்துவமனைகளை ஏற்படுத்துவதற்கான பணிகள் நடைபெற்று வருகின்றன. இந்நிலையில், நியூயார்க்கில் உள்ள, அமெரிக்க ஓபன் டென்னிஸ் போட்டி நடைபெறும் வளாகத்தை, தற்காலிக மருத்துவமனையாக மாற்ற திட்டமிடப்பட்டுள்ளது. இதற்கு, அமெரிக்க டென்னிஸ் சங்கமும் சம்மதம் தெரிவித்துள்ளதால், 350 படுக்கைகள் கொண்ட மருத்துவமனையாக, அமெரிக்க ஓபன் டென்னிஸ் வளாகம் மாற்றப்பட உள்ளது.