உலகக் கோப்பை கால்பந்து போட்டியின் வெற்றிக்கோப்பை - பிரசிலை சென்றடைந்தபோது கால்பந்து ரசிகர்கள் உற்சாக வரவேற்பு
Apr 23 2014 10:57AM
எழுத்தின் அளவு:
அ +
அ -
அ
உலகக் கோப்பை கால்பந்து போட்டியில் சாம்பியன் பட்டம் வெல்லும் அணிக்கு வழங்கப்படவிருக்கும் வெற்றிக்கோப்பை, பிரசிலை சென்றடைந்தபோது கால்பந்து ரசிகர்கள் ஆரவாரத்துடன் வரவேற்பு அளித்தனர்.
உலகக் கோப்பைக்கான கால்பந்துப் போட்டிகள், பிரசில் நாட்டில், வருகிற ஜுன் மாதம் 12-ம் தேதி கோலாகலமாக தொடங்கவிருக்கிறது. இப்போட்டியில் சாம்பியன் பட்டம் வெல்லும் அணிக்கு வழங்கப்படும் வெற்றிக்கோப்பை, கடந்த 9 மாதங்களாக 89 நாடுகளுக்கு கொண்டு செல்லப்பட்டு பொதுமக்களுக்கு அறிமுகம் செய்துவைக்கப்பட்டது. இப்பயணத்தின் தொடர்ச்சியாக பிரசில் நாட்டின் ரியோடிஜெனிரோ நகருக்கு உலகக்கோப்பை நேற்று சென்றடைந்தபோது, கால்பந்து ரசிகர்கள் மிகவும் மகிழ்ச்சி ஆரவாரத்துடன் வரவேற்பு அளித்தனர். பிரசில் நாட்டில் அடுத்த 6 வாரங்களுக்கு பல்வேறு நகரங்களில் இந்த கோப்பை பொதுமக்களின் பார்வைக்காக எடுத்துச் செல்லப்படவிருக்கிறது. இதனைத் தொடர்ந்து அந்நாட்டின் சோ பாலோ நகரில், உலகக்கோப்பை கால்பந்து போட்டிகள், ஜுன் மாதம் 12-ம் தேதி தொடங்குகின்றன. உலகக் கோப்பை கால்பந்து போட்டியில், அதிகபட்சமாக பிரசில்தான், இதுவரை 5 முறை சாம்பியன் பட்டம் வென்றுள்ளது என்பது குறிப்பிடத்தக்கது.