அய்யா வைகுண்டர் கோயிலில் சரவிளக்கு பூஜை : ஆயிரத்துக்கும் மேற்பட்ட பெண்கள் பங்கேற்பு
Oct 12 2019 1:16PM
எழுத்தின் அளவு:
அ +
அ -
அ
மணலி புதுநகர் அய்யா வைகுண்ட தர்மபதி கோயிலில் ஆயிரம் பெண்கள் பங்கேற்ற சரவிளக்கு பூஜை நடைபெற்றது.
சென்னை அடுத்த மணலி புதுநகரிலுள்ள மும்மூர்த்திகளின் வடிவான அய்யா வைகுண்ட தர்மபதி கோயிலில் 10ம் நாள் உற்சவம் கடந்த 4 ம் தேதி கொடியேற்றத்துடன் தொடங்கியது. 8ம் நாளான நேற்று வைகுண்டருக்கு மலர்களால் அலங்கரிக்கப்பட்டு திரு ஏடு வாசிப்பு, உச்சி படிப்பு, உக படிப்பு வாசிக்கப்பட்டது. இதனையடுத்து ஆயிரத்துக்கும் மேற்பட்ட பெண்கள் கோவிலில் அமர்ந்து சரவிளக்கு பூஜை செய்தனர். அப்போது திருக்கல்யாண ஏடு வாசிப்பு நிகழ்ச்சி நடைபெற்றது. திருவிளக்கு பூஜையில் பங்கேற்ற பெண்கள் ஏடு வாசிப்பை பின்தொடர்ந்து உச்சரித்து விளக்கு பூஜையில் பங்கேற்றனர்.