காஞ்சிபுரம் வரதராஜ பெருமாள் கோவிலில் உள்ள அத்திவரதரை தரிசிக்க, 6 கிலோமீட்டர் தூரம் நடந்தும் செல்லும் அவலநிலை உள்ளதாக பக்தர்கள் வேதனை தெரிவிக்கின்றனர்.

காஞ்சிபுரம் அத்திவரதரை தரிசனம் செய்ய அங்குள்ள ரங்கசாமி குளம் பேருந்து நிறுத்தம் வரை பேருந்துகள் இயக்கப்படுகின்றன. பின்னர் ஆட்டோக்கள் மூலம் கிழக்கு கோபுர வாசல் வரை செல்ல மூன்று கிலோமீட்டர் தூரமும், சாமியை தரிசனம் செய்ய மீண்டும் 3 கிலோ மீட்டர் வரை சுற்றி, சுற்றி நடந்து செல்லும் நிலையும் உள்ளது. இதனால், பொதுமக்கள் சோர்வடைந்து வெளியே வரும்போது மயக்கமடைகின்றனர். மேலும் சிலருக்கு பல்வேறு உடல்நலக்கோளாறு ஏற்படுகிறது. எனவே வரதராஜ பெருமாள் கோவிலுக்கு செல்ல, சின்ன காஞ்சிபுரம் செட்டித்தெரு வரை பேருந்து செல்ல அனுமதிக்க வேண்டும் என்றும், வெளியூர் வாகனங்களுக்கு அனுமதியில்லை எனக்கூறினாலும், அவை பெரும்பாலும் நகரின் பல்வேறு இடங்களில் நிறுத்தி வைக்கப்படுவதால் போக்குவரத்து கடுமையாக பாதிக்கப்படுகிறது எனவும் பக்தர்கள் குற்றம்சாட்டியுள்ளனர்.