தாமிரபரணி மகா புஷ்கர விழாவில் 23 லட்சம் பக்தர்கள் புனித நீராடி உள்ளனர்.

தாமிரபரணி மகா புஷ்கர விழா கடந்த 11-ந் தேதி தொடங்கி நேற்றுடன் முடிவடைந்தது. நெல்லை, தூத்துக்குடி மாவட்டங்களில் உள்ள தாமிரபரணி ஆற்றின் தீர்த்தக்கட்டங்கள், படித்துறைகளில் தினமும் ஏராளமான பக்தர்கள் புனித நீராடினர்.

இது தொடர்பாக காவல்துறையினர் வெளியிட்ட அறிக்கையில், நெல்லை மற்றும் தூத்துக்குடி மாவட்டங்களில் தாமிரபரணி மகா புஷ்கர விழாவில் மொத்தம் 22 லட்சத்து 80 ஆயிரம் பக்தர்கள் புனித நீராடி உள்ளதாக தெரிவிக்கப்பட்டுள்ளது.

நேற்று மகாபுஷ்கரணி திருவிழா நிறைவையொட்டி மகாஆரத்தி நடைபெற்றது. இதில் ஏராளமான பக்தர்கள் கலந்து கொண்டு தாமிரபரணி அன்னையை வழிபட்டனர்.

இந்த விழாவிற்கு எதிர்ப்பு தெரிவித்து அனுமதி வழங்க மறுத்த தமிழக அரசு, தற்போது 3 அமைச்சர்கள் நிறைவு விழாவில் கலந்துக்கொண்டதற்கு பொதுமக்கள் கடும் கண்டனம் தெரிவித்தனர். மேலும் தைப்பூச மண்டபத்தில் தீர்த்தவாரிக்கு அரசு அனுமதி வழங்கவில்லை என்றும் குற்றம் சாட்டினர்.