சபரிமலை ஐயப்பன் கோவிலில் சீசன் தொடங்கியுள்ளதையொட்டி சர்வதேச சுற்றுலாத்தலமான கன்னியாகுமரியில் ஐயப்ப பக்‍தர்களின் கூட்டம் அலை மோதி வருகிறது.

சர்வதேச சுற்றுலா தலமான கன்னியாகுமரியில் தினந்தோறும் ஏராளமான உள்நாட்டு மற்றும் வெளிநாட்டு சுற்றுலா பயணிகள் வந்து செல்வது வழக்‍கம். குறிப்பாக கோடை விடுமுறை மற்றும் ஐயப்ப பக்‍தர்கள் சீசன் காலங்களில் இங்கு கூட்டம் அலைமோதும். இந்த ஆண்டு சபரிமலை சீசனையொட்டி கன்னியாகுமரியில் ஏராளமான ஐயப்ப பக்‍தர்கள் குவிந்து வருகின்றனர். அங்குள்ள விவேகானந்தர் மண்டபம், திருவள்ளுவர் சிலை உள்ளிட்ட பகுதிகளுக்‍கு சென்ற பக்‍தர்கள், முக்‍கடல் சங்கமத்தில் புனித நீராடினர். மேலும் கன்னியாகுமரியில் பிரசித்திபெற்ற சூரிய உதயத்தை கண்ட பக்‍தர்கள் அங்குள்ள பகவதி அம்மன் கோவிலுக்‍கு சென்று தரிசனம் செய்தனர். தமிழகம் மட்டுமின்றி ஆந்திரா, கர்நாடகா உள்ளிட்ட பல்வேறு மாநிலங்களில் இருந்தும் ஏராளமான பக்‍தர்கள் குவிந்துள்ளனர். இதனால் கன்னியாகுமரியில் எங்கு நோக்‍கினும் ஐயப்ப பக்‍தர்கள் கூட்டம் அலைமோதுகிறது. இதனையடுத்து அங்கு பலத்த போலீஸ் பாதுகாப்பு போடப்பட்டுள்ளது.