திருப்பதி ஏழுமலையான் கோயிலில் கடந்த 9 நாட்களாக நடைபெற்று வந்த பிரம்மோற்சவம் நிகழ்வு : கொடியிறக்கத்துடன் நிறைவு
Oct 16 2021 10:17AM
எழுத்தின் அளவு:
அ +
அ -
அ
திருப்பதி ஏழுமலையான் கோயிலில் கடந்த 9 நாட்களாக நடைபெற்று வந்த பிரம்மோற்சவம் நிகழ்வு, கொடியிறக்கத்துடன் நேற்று நிறைவடைந்தது.
திருப்பதி ஏழுமலையான் கோயிலில், கடந்த 7ஆம் தேதி முதல் 9 நாட்கள் வருடாந்திர பிரம்மோற்சவம் நடைபெற்று வந்தது. இதனை முன்னிட்டு காலை, இரவு வேளைகளில் உற்சவர் மலையப்ப சுவாமி, வெவ்வேறு வாகனங்களில் எழுந்தருளி, பக்தர்களுக்கு அருள் பாலித்தார்.
பிரம்மோற்சவத்தின் நிறைவு நாளான நேற்று காலை, சக்கர ஸ்நானம் நடைபெற்றது. அதைத் தொடர்ந்து, நேற்றிரவு கொடியிறக்கத்துடன் பிரம்மோற்சவம் நிறைவடைந்தது. பிரம்மோற்சவத்தின் தொடக்க நாளான கடந்த 7ஆம் தேதியன்று, கோயிலில் உள்ள தங்க கொடி மரத்தில் ஏற்றி வைக்கப்பட்ட கொடியை, சம்பிரதாய முறைப்படி அர்ச்சகர்கள் இறக்கி, பிரம்மோற்சவத்தை நிறைவடைய செய்தனர்.