பழனியில்பங்குனி உத்திரத்தையொட்டி பக்தர்கள் நேர்த்திக்கடன் : கிரேனில் அந்தரத்தில் தொங்கியபடி பறவைக்காவடி வழிபாடு
Feb 27 2020 9:36PM
எழுத்தின் அளவு:
அ +
அ -
அ
திண்டுக்கல் மாவட்டம் பழனியில் கிரேனில் அந்தரத்தில் தொங்கியபடி பறவைக்காவடி எடுத்து வந்து பக்தர்கள் நேர்த்திக்கடன் செலுத்தினர். பங்குனி உத்திரத் திருவிழா தொடங்க உள்ள நிலையில், பக்தர்கள் கூட்டம் அதிகரித்துள்ளது. கோவை மாவட்டம் வால்பாறையில் இருந்து பழனிக்கு பாதயாத்திரை வந்த பக்தர்கள், சண்முக நதியில் புனித நீராடி, உடல் முழுவதும் அலகு குத்தி அந்தரத்தில் தொங்கியபடி பறவைக்காவடி எடுத்து வந்தனர். அலங்கரிக்கப்பட்ட ராட்சத கிரேனில் தொங்கியபடியே வந்த பக்தர்கள் கிரிவலம் சுற்றி நேர்த்திக்கடனை நிறைவு செய்தனர்.