வேளாங்கண்ணி பேராலய கோவில் திருவிழாவையொட்டி, முன் ஏற்பாடுகள் மற்றும் சுகாதாரப் பணிகள் குறித்த ஆலோசனைக் கூட்டம் மாவட்ட ஆட்சியர் தலைமையில் நடைபெற்றது
Jul 22 2014 5:03PM
எழுத்தின் அளவு:
அ +
அ -
அ
நாகை மாவட்டம் வேளாங்கண்ணி பேராலயம் உலக பிரசித்தி பெற்றதாகும். இந்த ஆலயத்தின் ஆண்டுத்திருவிழா அடுத்த மாதம் 29-ம் தேதி கொடியேற்றத்துடன் தொடங்கி நடைபெறுகிறது. இதில், தமிழகம் மட்டுமின்றி பல்வேறு இடங்களில் இருந்து லட்சக்கணக்கான மக்கள் கலந்து கொள்வார்கள் என்பதால், இதற்கான முன் ஏற்பாடு பணிகள் குறித்து மாவட்ட ஆட்சியர் திரு.து. முனுசாமி தலைமையில், அனைத்துத்துறை அலுவலர்களுக்கான கலந்தாய்வு கூட்டம் ஆட்சியர் அலுவலகத்தில் நடைபெற்றது. இதில், 50 இடங்களில் ஆயிரம் லிட்டர் கொள்ளளவு கொண்ட குடிநீர் தொட்டிகளில் சுத்திகரிக்கப்பட்ட குடிநீர் வழங்குவது, போலீஸ் பாதுகாப்பு, தீயணைப்புத்துறை, கண்காணிப்பு கேமிராக்கள் பொருத்துதல், போக்குவரத்து வசதிக்காக சிறப்பு ரயில்கள் மற்றும் பல்வேறு இடங்களில் இருந்து சிறப்பு பேருந்துகளை இயக்குவது உள்ளிட்டவை குறித்து ஆலோசனை நடத்தப்பட்டது. இதில், அரசு அலுவலர்கள் உள்ளிட்ட பலர் கலந்து கொண்டனர்.