டெல்லி, ஜவஹர்லால் நேரு பல்கலைக்‍கழக மாணவர்கள் மீது போலீசார் தாக்‍குதல் நடத்தியதைக்‍ கண்டித்து, நாடாளுமன்றத்தின் இரு அவைகளிலும் எதிர்க்‍கட்சி உறுப்பினர்கள் இன்று அமளியில் ஈடுபட்டனர்.

மாணவர்கள் மீது போலீசார் தாக்‍குதல் நடத்தியதைக் கண்டித்து நாடாளுமன்ற மாநிலங்களவையில் இடதுசாரிகள் உள்ளிட்ட எதிர்க்‍கட்சிகளின் எம்.பி.க்‍கள் இன்று கேள்வி எழுப்பினர். ஒத்தி வைப்பு தீர்மானத்திற்கு, மாநிலங்களவைத் தலைவர் திரு. M. வெங்கையா நாயுடு அனுமதி மறுத்தார். இதனைக்‍ கண்டித்து, எதிர்க்‍கட்சி உறுப்பினர்கள் அமளியில் ஈடுபட்டனர். கூச்சல், குழப்பம் நீடித்ததால் அவை பிற்பகல் 2 மணிவரை ஒத்தி வைக்‍கப்பட்டது.

இதே பிரச்னை மக்‍களவையிலும் எதிரொலித்தது. இந்த விவகாரம் தொடர்பாக பேசிய திரிணாமுல் காங்கிரஸ் எம்.பி. Saugata Roy, காங்கிரஸ் எம்.பி, திரு. T.N. Prathapan, பகுஜன் சமாஜ் உறுப்பினர் திரு. Danish Ali உள்ளிட்டோர், நியாயமான கோரிக்‍கையை முன்வைத்து, ஆர்ப்பாட்டம் நடத்திய மாணவர்கள் மீது காவல்துறையினரை ஏவிவிட்டு தாக்‍குதல் நடத்தப்பட்ட சம்பவத்திற்கு கடும் கண்டனம் தெரிவித்தனர்.