சாலையோரத்தில் பாடல்களை பாடி பிரபல பாடகியாக உருவெடுத்துள்ள ராணு மண்டால் மேக்‍கப்பில் ஜொலிக்‍கும் புகைப்படம் சமூக வலைதளங்களில் பேசு பொருளாக மாறியுள்ளது.

மேற்குவங்க மாநிலம் நாடியா ரயில் நிலையத்தில் ராணு மண்டால் என்பவர் இந்தி பாடல்களை பாடி உதவி கேட்டு வந்த காட்சி சமூக வலைதளங்களில் வைரலானது. இதன்மூலம் அவர் ஒரே நாளில் நாடு முழுவதும் பிரபலமானார். அவரது பாடலை கேட்ட சங்கர் மகாதேவன், அந்தப் பெண்ணுக்கு தான் இசையமைக்கும் பாலிவுட் படத்தில் பாடல் பாட வாய்ப்பு தந்தார். தொடர்ந்து அவருக்‍கு வாய்ப்புக்‍கள் குவிந்து வருகின்றன.

இதனைத் தொடர்ந்து அவரது வாழ்க்‍கை தலைகீழாக மாறியுள்ளது. அண்மையில் ஷாப்பிங் சென்ற ராணு மண்டாலைப் பார்த்த சிலர் அவருடன் போட்டோ எடுக்க ஆசைப்பட்டனர். அதற்காக பெண் ஒருவர் தொட்டு அழைத்ததால், கோபமடைந்த ராணு மண்டால், அந்தப் பெண்ணை எச்சரித்தார். இதற்காக அவரை பலரும் சமூக வலைதளங்களில் விமர்சித்தனர். தற்போது மண்டால் மேக்‍கப்பில் ஜொலிக்‍கும் புகைப்படங்கள் சமூக வலைதளங்களில் வைரலாகியுள்ளன.