ஸ்ரீஹரிகோட்டாவில் இருந்து விண்ணில் பாய்ந்தது சந்திரயான்-2 - 48 நாள் பயணத்திற்குப் பின்னர் நிலவின் தென்துருவ பகுதியில் தரையிறங்கும் என இஸ்ரோ தகவல்
Jul 23 2019 10:29AM
எழுத்தின் அளவு:
அ +
அ -
அ
சந்திரயான்-2 விண்கலம் இன்று பிற்பகல் 2.43 மணிக்கு GSLV மார்க்-3 எம்.1 ராக்கெட் மூலம் ஸ்ரீஹரிகோட்டாவிலிருந்து விண்ணில் பாய்ந்தது.
கடந்த 2008ம் ஆண்டு நிலவுக்கு அனுப்பப்பட்ட சந்திரயான்-1 விண்கலம், நிலவின் மேற்பரப்பை சுற்றிவந்து ஆய்வு செய்தது. அப்போது நிலவில் கனிமங்கள் இருப்பதை கண்டறிந்தது. இதனையடுத்து, நிலவின் தென்துருவத்தில் தரையிறங்கி ஆய்வு செய்யும் வகையில், சந்திரயான்-2 விண்கலத்தை இஸ்ரோ விஞ்ஞானிகள் வடிவமைத்தனர்.
ஆந்திர மாநிலம் ஸ்ரீஹரிகோட்டா சதீஷ்தவான் ஏவுதளத்திலிருந்து இன்று பிற்பகல் 2.43 மணிக்கு சந்திரயான்-2 விண்கலம், GSLV மார்க்-3 எம்.1 ராக்கெட் மூலம் விண்ணில் பாய்ந்தது. செப்டம்பர் மாதம் 6 அல்லது 7ம் தேதி நிலவின் தென்துருவப் பகுதியில் சந்திரயான்-2 தரையிறங்கும் என இஸ்ரோ விஞ்ஞானிகள் தெரிவித்துள்ளனர்.