இந்திய விமானப்படை விங் கமேண்டர் அபிநந்தனுக்கு மருத்துவ விடுப்பு - மருத்துவர்களின் ஆலோசனைப்படி வழங்கப்பட்டுவதாக அறிவிப்பு
Mar 14 2019 5:34PM
எழுத்தின் அளவு:
அ +
அ -
அ
இந்திய விமானப்படை விங் கமேண்டர் அபிநந்தன் வர்த்தமானுக்கு, மருத்துவர்களின் ஆலோசனைப்படி சில வாரங்கள் மருத்துவ விடுப்பு வழங்கப்பட்டுள்ளது.
இந்திய ராணுவ தளங்கள் மீது தாக்குதல் நடத்த வந்த பாகிஸ்தான் போர்விமானங்களை விரட்டியடிக்கும் சண்டையில் பாகிஸ்தானின் எஃப்16 விமானத்தை சுட்டுவீழ்த்தியபோது தனது விமானமும் சேதமடைந்ததால் இந்தியாவின் விங் கமேண்டர் அபிநந்தன் எதிர்பாராவிதமாக பாகிஸ்தானில் சிறைபிடிக்கப்பட்டார். அமைதி முயற்சியாக நல்லெண்ண அடிப்படையில் அபிநந்தனை பாகிஸ்தான் விடுதலை செய்தது. இதையடுத்து அபிநந்தனை, விமானப்படை உயரதிகாரிகள், வெளியுறவுத்துறை அதிகாரிகள் உள்ளிட்டோர் வாகா எல்லையில் வரவேற்று அழைத்து சென்றனர். அவருக்கு முறைப்படி மருத்துவ பரிசோதனைகள் மேற்கொள்ளப்பட்டதுடன், துறை சார்ந்த விசாரணைகள் நடத்தப்பட்டன. இந்நிலையில், அனைத்து நடைமுறைகளும் முடிவுற்ற நிலையில், ராணுவ ஆராய்ச்சி மற்றும் மருத்துவமனையின் பரிந்துரையின் பேரில் விங் கமேண்டர் அபிநந்தன் வர்த்தமானுக்கு, சில வாரங்கள் மருத்துவ விடுப்பு வழங்கப்பட்டுள்ளது.