இந்தியா, பாகிஸ்தான் இடையே பதற்றமான சூழல் இருந்தாலும், திட்டமிட்டபடி மக்‍களவை தேர்தல் நடைபெறும் என இந்திய தலைமை தேர்தல் ஆணையர் திரு. சுனில் அரோரா தெரிவித்துள்ளார்.

நாடாளுமன்ற தேர்தல் விரைவில் நடைபெறவுள்ள நிலையில், அரசியல் கட்சிகள் அனைத்தும் பிரச்சாரங்களில் தீவிரமாக உள்ளன. இந்த நிலையில், காஷ்மீரின் புல்வாமா மாவட்டத்தில் பாகிஸ்தான் தீவிரவாதிகள் நடத்திய தாக்‍குதலை அடுத்து, இந்தியா, பாகிஸ்தான் இடையே போர் பதற்றம் ஏற்பட்டுள்ளது.

இதனால், மக்‍களவைத் தேர்தல் உரிய நேரத்தில் நடைபெறுமா என கேள்விகள் எழுந்தன. இந்நிலையில், உத்தரப்பிரதேசத்தில் தேர்தல் பணிகளை ஆய்வு செய்து வரும் இந்திய தலைமை தேர்தல் ஆணையர் திரு. சுனில் அரோராவிடம், மக்‍களவை தேர்தல் குறித்து செய்தியாளர்கள் கேள்வி எழுப்பினர். அதற்கு பதிலளித்த அவர், திட்டமிட்டபடி மக்‍களவை தேர்தல் நடைபெறும் என கூறினார். எல்லையில் பதற்றம் இருந்தாலும், அது எந்த வகையிலும் நாடாளுமன்றத் தேர்தலை பாதிக்‍காது எனத் தெரிவித்தார்.