மத்திய அமைச்சர் அனந்தகுமார், உடல்நலக்‍குறைவால் மரணமடைந்தார். அவருக்‍கு வயது 59.

மத்திய ரசாயனம், உரம் மற்றும் நாடாளுமன்ற விவகாரங்கள் துறை அமைச்சராக இருந்த அனந்தகுமார், உடல்நலக்குறைவு காரணமாக பெங்களூருவில் உள்ள தனியார் மருத்துவமனையில் அனுமதிக்கப்பட்டார். புற்று நோயால் பாதிக்கப்பட்டிருந்த அவருக்‍கு, அறுவை சிகிச்சை நடைபெற்றது. பின்னர் அமெரிக்கா சென்று மேல் சிகிச்சை பெற்று, உடல்நிலை சீரான நிலையில் நாடு திரும்பினார்.

மீண்டும் உடல்நலம் பாதிக்கப்பட்டு, கடந்த 20-ஆம் தேதி பெங்களூருவில் உள்ள தனியார் மருத்துவமனையில் சிகிச்சைக்காக அனுமதிக்கப்பட்டார். அவருக்கு மருத்துவர்கள் தீவிர சிகிச்சை அளித்து கண்காணித்து வந்தனர். தீவிர சிகிச்சைப் பெற்று வந்த நிலையில், இன்று அதிகாலை 2 மணியளவில் சிகிக்‍சை பலனின்றி அவர் மரணமடைந்தார். அவரது மறைவுக்‍கு, பிரதமர் திரு.நரேந்திர மோடி, பாதுகாப்புத்துறை அமைச்சர் திருமதி நிர்மலா சீதாராமன் உள்ளிட்டோர் ஆழ்ந்த இரங்கல் தெரிவித்துள்ளனர். பெங்களூரு​தெற்கு தொகுதியில் 6 முறை நாடாளுமன்ற உறுப்பினராக தேர்வு செய்யப்பட்டவர் அனந்த குமார் என்பது குறிப்பிடத்தக்‍கது.