விஜய் மல்லையாவின் லண்டன் வங்கி கணக்கில் இருந்து, சுவிஸ் வங்கி கணக்குக்கு, 170 கோடி ரூபாய் பணப்பரிமாற்றம் நடந்த விபரம், சி.பி.ஐ.,க்கு தெரியவந்துள்ளதாக தகவல்கள் வெளியாகியுள்ளன.

தொழிலதிபர் விஜய் மல்லையா, எஸ்.பி.ஐ., உட்பட பல்வேறு வங்கிகளில், பல ஆயிரம் கோடி ரூபாய் கடன் பெற்று, அதை திருப்பி செலுத்தாமல், 2015ல், வெளிநாடு தப்பிச் சென்றார். அதே ஆண்டு, விசாரணைக்கு ஆஜராவதற்காக, இந்தியா திரும்பினார். அப்போது, தேடப்படும் குற்றவாளியாக அறிவிக்கப்பட்டும் மல்லையா கைது செய்யப்படவில்லை. கைது செய்ய சட்ட ரீதியாக போதிய காரணங்கள் இல்லாததால், மல்லையாவை கைது செய்யப்படவில்லை. இந்நிலையில், 2017ல், விஜய் மல்லையாவின் லண்டன் வங்கி கணக்கில் இருந்து, 170 கோடி ரூபாய், அவரது சுவிஸ் வங்கி கணக்குக்கு மாற்றப்பட்டுள்ளதாக பிரிட்டன் பொருளாதார புலனாய்வு பிரிவு அதிகாரிகள், சி.பி.ஐ., மற்றும் அமலாக்கத் துறை அதிகாரிகளுக்கு தெரிவித்தனர். ஆனால் இந்த பணப்பறிமாற்றத்தை அப்போது இந்திய வங்கிகளால் தடுத்து நிறுத்த முடியவில்லை. இதையடுத்து, மல்லையாவுக்கு கடன் வழங்கிய, 13 வங்கிகளும் ஒன்றிணைந்து, பிரிட்டனில் உள்ள அவரது சொத்துகளை முடக்க நடவடிக்கை எடுத்தன.