ஏர்செல்-மேக்சிஸ் வழக்கில், கார்த்தி சிதம்பரத்திற்கு வழங்கப்பட்ட ஜாமீனை ரத்து செய்யக்‍கோரி, அமலாக்‍கத்துறை தொடர்ந்த வழக்‍கு, வரும் 25-ஆம் தேதிக்‍கு ஒத்திவைத்து டெல்லி Patiala House நீதிமன்றம் ஒத்திவைத்துள்ளது.

ஏர்செல்-மேக்சிஸ் முறைகேடு தொடர்பான வழக்கில், முன்னாள் மத்திய நிதியமைச்சர் ப.சிதம்பரத்தின் மகன் கார்த்தி சிதம்பரம் மீது சி.பி.ஐ.யும், மத்திய அமலாக்கப்பிரிவு இயக்குனரகமும் தனித்தனியாக வழக்குப்பதிவு செய்து விசாரணை நடத்தி வருகின்றன. இந்த வழக்கில், கார்த்தி சிதம்பரத்தை அக்டோபர் 8-ந்தேதி வரை கைது செய்ய இடைக்கால தடை விதித்து சி.பி.ஐ. தனி நீதிமன்றம் பிறப்பித்த உத்தரவை ரத்து செய்யக்கோரி, அதே நீதிமன்றத்தில் அமலாக்கப்பிரிவு மனு தாக்கல் செய்தது. அமலாக்கத்துறையின் இந்த மனு, டெல்லி Patiala House நீதிமன்றத்தில் இன்று விசாரணைக்‍கு வந்தது. இந்த வழக்‍கை விசாரித்த நீதிபதி, வழக்‍கு விசாரணையை வரும் 25-ஆம் தேதிக்‍கு ஒத்திவைத்தது.

இதனிடையே, கார்த்தி சிதம்பரம் வெளிநாடு செல்ல அனுமதி கோரிய வழக்‍கில், வரும் 20-ஆம் தேதி முதல் 30க்‍குள் அமெரிக்‍கா செல்ல உச்சநீதிமன்றம் அனுமதி வழங்கிவுள்ளது.