ஆந்திர மாநிலம் விசாகப்பட்டினத்தில் திரையரங்கம் ஒன்றில் தீ விபத்து : பல லட்சம் ரூபாய் மதிப்புள்ள பொருட்கள் எரிந்து சேதம்
Sep 17 2018 5:34PM
எழுத்தின் அளவு:
அ +
அ -
அ
ஆந்திர மாநிலம் விசாகப்பட்டினத்தில் உள்ள திரையரங்கம் ஒன்றில் ஏற்பட்ட தீ விபத்தில் பல லட்சம் ரூபாய் மதிப்புள்ள பொருட்கள் எரிந்து சேதமடைந்தன.
கஜூவாகா பகுதியில் உள்ள திரையரங்கில் இன்று காலை தீ விபத்து ஏற்பட்டது. திரையரங்கின் தரைத்தளத்தில் பற்றிய தீ மேற்கூரை வரை பரவியது. தீ விபத்து குறித்து உடனடியாக தீயணைப்புத் துறைக்கு தகவல் தெரிவிக்கப்பட்டது. தீ அணைப்பு வாகனங்களில் விரைந்து வந்த வீரர்கள், தீயை கட்டுப்படுத்தும் பணியில் ஈடுபட்டனர். அதிர்ஷ்டவசமாக தீ விபத்தில் உயிர்ச்சேதம் எதுவும் ஏற்படவில்லை. தீ விபத்து ஏற்பட்ட போது திரையரங்கில் இருந்த ஒருசில ஊழியர்கள் உடனடியாக வெளியேறிவிட்டனர்.