டெல்லியில் தலைமைக் காவலர் ஒருவர் அடையாளம் தெரியாத நபர்களால் நள்ளிரவில் சுட்டுக் கொலை : பொதுமக்கள் அதிர்ச்சி
Sep 12 2018 11:55AM
எழுத்தின் அளவு:
அ +
அ -
அ
டெல்லியில் தலைமைக் காவலர் ஒருவர் அடையாளம் தெரியாத நபர்களால் நள்ளிரவில் சுட்டுக் கொல்லப்பட்ட சம்பவம் அதிர்ச்சியை ஏற்படுத்தியுள்ளது.
டெல்லியில் தலைமை காவலராக பணிபுரிந்து வந்தவர் ராம் அவ்தார். இவர் நேற்று நள்ளிரவு ரோந்து பணியில் ஈடுபட்டுக் கொண்டிருந்தார்.
ஜேத்பூர் பகுதியில் ரோந்து பணியில் ஈடுபட்டிருந்த அவரை அங்கு வந்த அடையாளம் தெரியாத மர்ம நபர்கள் சிலர் சரமாரியாக துப்பாக்கியால் சுட்டனர். அதன்பின் அவர்கள் அங்கிருந்து தப்பிச்சென்றனர். இந்த திடீர் தாக்குதலில் ராம் அவ்தார் சம்பவ இடத்திலேயே பரிதாபமாக பலியானார்.
இதையடுத்து தகவலறிந்து சம்பவ இடத்திற்கு விரைந்து வந்த போலீசார், அவரது உடலை கைப்பற்றி மருத்துவமனைக்கு அனுப்பி வைத்தனர். இதுகுறித்து போலீசார் விசாரணை நடத்தி வருகின்றனர்.
தலைநகர் டெல்லியில் நள்ளிரவில் தலைமை காவலர் சுட்டுக் கொல்லப்பட்ட சம்பவம் பொதுமக்களிடையே அதிர்ச்சியை ஏற்படுத்தியுள்ளது.